Fardelak edukiontzietan modu optimoan banatzea kalkulatzen duen neurrirako web aplikazioa, 3D bistaratzearekin eta paketatze-zerrendarekin PDFn eta Excelen.
Erronka
Neurri desberdinetako edukiontzietan fardelak ahalik eta modurik onenean nola kargatu kalkulatuko duen eta emaitza grafikoki erakutsiko duen software bat sortzea, fardel kopuru txiki edo ertaineko kargetarako.
Irtenbidea
Edukiontziak nola kargatu kalkulatzeko neurrirako web aplikazioa:
- garraiorako fardelak edukiontzietan modu optimoan edo ia optimoan banatzeko kalkulua (bin-packing);
- kalkulu azkarra, 3D bistaratzearekin eta paketatze-zerrendarekin (packing list) PDFn eta Excelen;
- interfaze sinplea eta enpresaren bezeroei zerbitzua eskaintzeko funtzioak, erabileraren kontrolarekin;
- mugikorretara eta tabletetara egokitutako diseinua.
Teknologia
PHP (CodeIgniter) eta MySQL.
Emaitza
Sistemak erabakitzen du fardelak edukiontzian nola jarri ahalik eta modurik onenean, bakoitzaren murrizketen arabera (buelta eman dakiekeen, gainean karga onartzen duten…), eta entregarako karga-zerrenda eta salgaia nola kokatu erakusten duen 3D eskema bat sortzen ditu; horrela, prozesu osoa errazten eta arintzen da.
Galeria
